21-ე საუკუნეში მადრიდის „რეალსა“ და კატალონიის „ბარსელონას“ შორის ლა ლიგაში საკმაოდ დიდი კონკურენციაა, მაგრამ უნდა აღინიშნოს, რომ „ბლანკოსი“ ვერ ლიდერობს...

მიმდინარე საუკუნეში „რეალმა“ ლა ლიგა 8-ჯერ მოიგო, ხოლო „ბარსელონამ“ 10-ჯერ და დიდია შანსი იმისა, რომ კატალონიურმა გრანდმა „ბლანკოსთან“ სხვაობა სამამდე გაზარდოს.

„მერენგებმა“ შიდა ჩემპიონატის მოგება 2000/01; 2002/03; 2006/07; 2007/08; 2011/12; 2016/17; 2019/20 და 2021/22 წლების სეზონებში მოახერხეს, ხოლო „ბარსელონელებმა“ 2004/05, 2005/06, 2008/09, 2009/10, 2010/11, 2012/13, 2014/15, 2015/16, 201718, 2018/19 სეზონებში.

რაც შეეხება საერთო შედეგებს, როგორც მოგეხსენებათ, „რეალს“ ლა ლიგა 35-ჯერ აქვს მოგებული, ხოლო „ბარსელონას“ 26-ჯერ. ორივე გუნდს ესპანეთის ეგიდით საუკეთესო მაჩვენებელი უფიქსირდება.