კარიმ ადეიემი მადრიდის „რეალის“ რადარზე ჯერ კიდევ მაშინ იყო, როდესაც არა „დორტმუნდის“, არამედ „ზალცბურგის“ ღირსებას იცავდა...

ესპანური გამოცემების ცნობით, ფლორენტინო პერესს ახალგაზრდა შემტევის შეძენას ურჩევენ. ადეიემის ფასი ამ ეტაპზე 40 მილიონ ევრომდე მერყეობს, მაგრამ ეჭვი არავის ეპარება, რომ დროთა განმავლობაში მისი ფასი მინიმუმ 70%-ით გაიზრდება.

ადეიემს აქვს ძალიან კარგი სისწრაფე, სხარტი გადაწყვეტილებების მიღების უნარი, გოლის გატანის ალღო და მებრძოლი სული, რაც მას სამომავლოდ სრულფასოვან ვარსკვლავად აქცევს.

ნიგერიული ფესვების მქონე გერმანელი ამ სეზონში „დორტმუნდის“ მნიშვნელოვან ფიგურად ჩამოყალიბდა.

ბორუსიელთა რიგებში ჩატარებულ 24 დაპირისპირებაში კარიმმა 6 გოლით დაგვამახსოვრა თავი, თუმცა უნდა აღინიშნოს, რომ მისი როლი მხოლოდ გოლების გატანა არ არის და სხვა ფუნქციების შესრულებითაც გახლავთ დაკავებული.