მარკოს ლორენტემ მადრიდული დერბის წინ ჟურნალისტებთან ისაუბრა...

„ვინისიუსი ბოლო დროს დიდ პროგრესს აჩვენებს. ბრაზილიელი ფეხბურთელის სისწრაფე ყოველთვის დიდ პრობლემებს ქმნიდა, მაგრამ ამ ბოლო დროს მან კიდევ უფრო ბევრი ასპექტი დახვეწა.“

„როდესაც ვინის წინააღმდეგ იბრძვი, აუცილებლად გჭირდება დიდი სისწრაფე, სხვა შემთხვევაში აუცილებლად დაიკარგები.“

„ეს განსაკუთრებით მძიმე მატჩია და ყველაფერი უნდა ვიღონოთ სანტიაგო ბერნაბეუზე წარმატების მისაღწევად. ასევე ვითვალისწინებთ „რეალის“ მდგომარეობას და ვიცით, რომ ანჩელოტის გუნდს გამარჯვება ძალიან სჭირდება.“

„ჩვენი მიზანი არა ოთხეულში მოხვედრა, არამედ მესამე პოზიციაზე მყარად დამკვიდრებაა. ვხვდებით, რომ ჩემპიონობაზე ფიქრს აზრი არ აქვს, ვინაიდან ბევრი ქულა დავკარგეთ.“

„ვფიქრობ, გუნდი 4-4-2 სქემაზე საკმაოდ კარგად ადაპტირდა, თუმცა მწვრთნელი მე არ ვარ და ტაქტიკაზე არ ვმუშაობ. მწვრთნელი გადაწყვეტს, რომელი სქემა იქნება საუკეთესო დერბიში.“