დიეგო სიმეონემ მადრიდული დერბის წინ პრესკონფერენცია გამართა...

„ჩვენ ვიცით, რა დონის მატჩი გველის, მაგრამ საბრძოლველად მზად ვართ. „ატლეტიკოს“, როგორც ბერნაბეუზე, ასევე მეტროპოლიტანოზე არაერთხელ დაუმტკიცებია, რომ „ბლანკოსის“ დამარცხება სავსებით შესაძლებელია.“

„უნდა ვეცადოთ, რომ მეტოქეს საკუთარი ფეხბურთი შევთავაზოთ და მაქსიმალური კონცენტრაცია გამოვიჩინოთ.“

„„რეალს“ სივრცე არ უნდა მისცე, სხვა შემთხვევაში, აუცილებლად დამარცხდები.“

ვფიქრობ, ვინისიუს ჟუნიორის ზრდა მართლაც შესამჩნევია. წლების წინ „რეალმა“ მასზე დიდი ფსონი დადო, ახლა კი ბრაზილიელის სახით არანორმალური ფეხბურთელი ჰყავს. არ მახსენდება მოთამაშე, რომელიც მასზე სწრაფია.“

„აგრესია ვინის მიმართ? მსგავსი სტილის ფეხბურთელებისადმი ყოველთვის იმატებს ნეგატიური დამოკიდებულება. მე პირადად ყველას მოვუწოდებ, რომ ერთმანეთს პატივი ვცეთ.“

„ამდენი წელი „ატლეტიკოს“ მთავარი მწვრთნელის პოსტზე დიდი პატივია. ძალიან დიდი ბრძოლა გამოვიარე და „რეალთან“ და „ბარსელონასთან“ წარმატებას მივაღწიე. ციფრებს თან ახლავს შედეგები და მე ამით ვამაყობ.“