ჩემპიონთა ლიგაზე დიდებული გამოსვლის შემდეგ, „რეალის“ ფეხბურთელებმა 1 დღით დაისვენეს და უკვე დღეიდან, პრიმერა დივიზიონის მომდევნო ტურზე დაიწყეს ფიქრი, სადაც მათი მეტოქე „ატლეტიკო“ იქნება (25 თებერვალს, 21:30 საათი).

განვლილი სესია ანჩელოტის შეგირდებმა სატრენაჟორო დარბაზში დაიწყეს, ხოლო შემდეგ, სხვადასხვა დავალება შეასრულეს მოედანზე. ვარჯიშის მიწურულს კი, მადრიდელებმა რამდენიმე საფეხბურთო მატჩი გამართეს და კარში დარტყმის კომპონენტის გაუმჯობესებაზე გააკეთეს აქცენტი.

აღსანიშნავია, რომ ჩუამენმა თანაგუნდელების გვერდით, სრული დატვირთვა მიიღო.

მენდი, როდრიგო და ალაბა ინდივიდუალური პროგრამით გაისარჯნენ. როგორც იცით, ისინი ტრავმირებულნი არიან და უახლოეს მატჩებში ვერ დაეხმარებიან კოლექტივს.