მიუხედავად იმისა, რომ გუნდი სეზონის მნიშვნელოვან ეტაპს გადის, პარალელურად, „სანტიაგო ბერნაბეუზე“ მომავალ სატრანსფერო ფანჯარაზეც ფიქრობენ.

The Athletic-ის ინფორმაციით, „რეალი,“ ფაქტობრივად, უშანსოდ არის ჯუდ ბელინგემის გადაბირებასთან დაკავშირებით, ვინაიდან „ბორუსია“ ახალგაზრდა ფეხბურთელში 150 მლნ. ითხოვს და ეს თანხა ბევრად დიდია, ვიდრე მადრიდელები მოიაზრებდნენ ინგლისელისათვის.

გამოცემის ცნობით, ესპანელების პრიორიტეტს თავდასხმის ხაზის გაძლიება წარმოადგენს. გამომდინარე იქედან, რომ ბენზემა უკვე 35 წლის არის, კლუბი ახალი „ცხრიანის“ ძიებაშია.