ესპანური გამოცემების ცნობით, „პსჟ“-ს მფლობელმა, ალ ტანიმ ალ ჰელაიფს დაავალა, რომ ვინისიუს ჟუნიორზე მუშაობას სერიოზულად შეუდგეს...

ბრაზილიელმა ვარსკვლავმა „ენფილდზეც“ დაამტკიცა, რომ საოცარი ფეხბურთელია და დიდი მომავალი აქვს.

ალ ტანის მიაჩნია, რომ კილიან მბაპე ადრე თუ გვიან პარიზელთა რიგებს მაინც დატოვებს, სწორედ ამიტომ „პსჟ“-მ დროში უნდა მოიგოს და მადრიდის „რეალთან“ შეთანხმებას მიაღწიოს.

„პსჟ“-მ შესაძლოა „ბლანკოსს“ თავად მიმართოს და კილიან მბაპესთან დაკავშირებით დათმობაზე წავიდეს, თუმცა სანაცვლოდ ფლორენტინო პერესს ვინისიუს ჟუნიორის დათმობა მოუწევს.

„რეალის“ პირველ პირს არაერთხელ უთქვამს, რომ ვინი ხელშეუხებელია, მაგრამ ახლა არავინ იცის, როდესაც საქმე მბაპეს შეეხება, რა გადაწყვეტილებას მიიღებს „ბლანკოსის“ მენეჯმენტი.