ბენზემა: „ეს გამარჯვება მას ეძღვნება!“
კარიმ ბენზემა „ლივერპულთან“ ჩატარებულ მატჩს გამოეხმაურა. ფრანგმა ფორვარდმა ინგლისელების წინააღმდეგ დუბლი და 1 ასისტი მიითვალა.
„მნიშვნელოვანი გამარჯვება ჩავიწერეთ აქტივში. მინდა, რომ ეს საღამო ამანსიო ამაროს მივუძღვნა. ვფიქრობ, ყველასათვის შესანიშნავი თამაში გამოდგა. ჩვენი სურვილია, მიმდინარე სეზონის ბოლოსაც ვიზეიმოთ ჩემპიონთა ლიგის ოქროს მედლები. მატჩი უსახურად დავიწყეთ, თუმცა მალევე შევიტანეთ გარდატეხა. 20 წუთის შემდეგ ყველამ დაინახა, თუ რას წარმოადგენს მადრიდის „რეალი.““
„ფეხბურთი ყოველთვის რთულია. მეტოქე წარმატებით შემოვიდა თამაშში, მაგრამ ყველაფერი გავაკეთეთ მოგებისათვის.“
„მადლობა ადგილობრივ პუბლიკას აპლოდისმენტებისთვის და ამასთანავე ჩვენს ქომაგებს. ისინი მე-12 მოთამაშის სტატუსს ატარებენ.“
„წლეულს, გარკვეული მიზეზების გამო ხშირად არ მიწევს მოედანზე გასვლა. რა თქმა უნდა, მაქსიმალურად უნდა დავეხმარო გუნდს გოლებითა და გადაცემებით, როგორც დღეს გავაკეთე. ნელ-ნელა ჩემი კონდიციები უმჯობესდება. განვლილ შეხვედრაში დიდებულად ვგრძნობდი თავს.“
„დასრულებული არაფერია, „სანტიაგო ბერნაბეუზეც“ ვეცდებით წარმატების მოპოვებას.“
- 22 თებერვალი 2023
- 2 318
- 4
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
