მადრიდის „რეალის“ ოფიციალურმა ვებ-გვერდმა ოფიციალური განცხადება გაავრცელა...

„რეალის“ პრეზიდენტი და დირექტორთა საბჭო ღრმა მწუხარებას გამოთქვამს კლუბის ლეგენდის, ამანსიო ამაროს გარდაცვალების გამო, რომელიც ამასთანავე „რეალის“ საპატიო პრეზიდენტი გახლდათ.

მადრიდის „რეალს“ სურს თანაგრძნობა გამოუცხადოს მის მეუღლეს კონსუელოს, მის შვილებს ოსკარს, ბელენს, ამანსიოს, პატრიციას, მარკოსს და კლაუდიას, მის ძმას ხუან კარლოსს, მის შვილიშვილებს და ყველა მის ნათესავს, კოლეგებსა და ახლობლებს.

ამანსიო „ბლანკოსის“ სადარაჯოზე 1962-იდან 1976 წლამდე იდგა და კლუბის ლეგენდა გახდა.

ამაროს ანგარიშზე 451 ჩატარებული მატჩი და 155 გოლია, მან სამეფო კლუბთან ერთად უამრავი მნიშვნელოვანი ტიტულის მოგება შეძლო და კლუბის ისტორიული ფიგურა გახდა.

ამანსიო 83 წლის ასაკში გარდაიცვალა და „ბლანკოსის“ ყველა გულშემატკივრის მეხსიერებაში სამუდამოდ დარჩა.