კოდი გაკპომ მადრიდის „რეალთან“ მატჩის წინ ჟურნალისტებთან ისაუბრა...

„დიახ, აქ ცოტა ხნის წინ გადმოვედი, მაგრამ სადებიუტო გოლის გატანა შევძელი, რამაც ძალიან გამაბედნიერა და მეტი თავდაჯერებულობა მომცა. პრემიერლიგაში ცუდ სიტუაციაში ვართ, მაგრამ ბოლო მატჩებში სტაბილურ თამაშს ვაჩვენებთ. დერბის მოგებამ ფსიქოლოგიური მუხტი მოგვცა, შემდეგ კი „ნიუქასლი“ დავამარცხეთ, რაც ასევე მნიშვნელოვანი იყო.“

„ჩემპიონთა ლიგის 1/4 ფინალში გასვლა გვსურს. ვიცით, რომ ყველაზე რთული მეტოქე გვყავს, მაგრამ გუნდური სულისკვეთებით და შემართებით ჩვენ შევძლებთ „ენფილდზე“ გამარჯვებას და მეორე მატჩისთვის სათანადოდ მომზადებას.“

„შრომა გრძელდება. გასულ 2 ტურში ნაჩვენები შედეგები მეტ თავდაჯერებულობას მოგვცემს და გვჯერა, რომ გამარჯვებას ევროსარბიელზეც დავაფიქსირებთ.“

„როდესაც თამაშს იგებ, დადებითი განწყობა გეუფლება და ზოგადად გუნდშიც კარგი ატმოსფეროა. რთული პერიოდის დროს კი დამატებითი პრობლემები წარმოიშვება. ჩვენ ახლა საკმაოდ კარგ დინამიკაში ვართ და გვჯერა საკუთარი შესაძლებლობების. ტრავმირებული ფეხბურთელების დაბრუნებამ რესურსი მნიშვნელოვნად გაზარდა.“

„თუ „რეალის“ დამარცხება გვსურს, სწორედ ისეთივე ინტენსიურები უნდა ვიყოთ, როგორც „ევერტონთან“ და „ნიუქასლთან“. სამეფო კლუბი შეცდომებს არ გვაპატიებს, ამიტომ ყურადღება გვმართებს.“

„სახლში თამაში დიდი უპირატესობაა, მაგრამ ამასთანვე უნდა ვიგრძნოთ პასუხისმგებლობა, რომელიც შედეგს უკავშირდება. თუ მიზანს ვერ მივაღწევთ და წავაგებთ, ეს ძალიან მძიმე გადასატანი იქნება.“

„ადაპტაცია მარტივად გავიარე, რის გამოც მთელ გუნდს მადლობას ვუხდი. საოცარი თანაგუნდელები მყავს, მათთან კომუნიკაცია საერთოდ არ მიჭირს და ბედნიერებას ვგრძნობ.“

„ჩემპიონთა ლიგა ევროპის მასშტაბით ყველაზე დიდი ტურნირია. ევროსარბიელზე დიდი გამოცდილება არ მაქვს, მაგრამ ვეცდები, მთელი ჩემი რესურსი ჩავდო და „ბლანკოსის“ დამარცხება მოვახერხოთ.“

„ვაცნობიერებთ იმ ფეხბურთელების კლასს, რომლებიც „რეალში“ ირიცხებიან. ბენზემას, მოდრიჩს და კიდევ რამდენიმე მოთამაშეს ჩემპიონთა ლიგა 5-ჯერ აქვთ მოგებული. ეს მართლაც დიდი გამოცდილების მანიშნებელია.“