მადრიდის "რეალის" ექს-კაპიტანმა, რაულ გონსალეს ბლანკომ, ინტერვიუ მისცა გერმანულ პრესას, სადაც ისაუბრა თავის პიველ გატარებულ დღეებზე "შალკე04"-ში, მადრიდიდან წასვლის მიზეზებზე და ასევე იმ მოტივაციაზე, რომელიც აიძულებს მას მაღალ დონეზე იასპარეზოს.

-თქვენ გაატარეთ გერმანიაში სამი კვირა,როგორ მიდის ენის შესწავლის პროცესი?

-მე უკვე ვიცი, როგორ გამოითქმევა "გამარჯობა","საღამო მშვიდობისა" და "ნახვამდის", "მარჯვენა ფლანგი" და "ბურთი". მე გერმანულ ენაში კვირაში ორჯერ ვემზადები.

-როგორი იყო პირველი დღეები ახალ გარემოში?

-ძალიან სასიამოვნო. ჩვენ დიუსელდორფში ვიშოვეთ სახლი, სადაც ჩემი ოჯახი კომფორტულად იგრძნობს თავს და სადაც ჩემი შვილები შეძლებენ სკოლაში სიარულს. ჩვენ გვსურს დავტკბეთ ჩვენი ახალი ცხოვრებით.

-თქვენი შვილები შეუერთდებიან "შალკეს" საფეხბურთო აკადემიას?

-დიუსელდორფიდან გელზერკირხენამდე მცირე მანძილი არ არის, ამიტომ ჩვენ მათ დიუსელდორფის რომელიმე გუნდში ჩავრიცხავთ. მე ასევე მომწონს ჩოგბურთი, აქ ხოკეისაც თამაშობენ.

-რატომ გადაწყვიტეთ მადრიდის "რეალის" "შალკეზე" გაცვლა?

-ეს კლუბი ძალიან გაიზარდა, ის მუდამ ტიტულებისთვის იბრძვის, ფელიქს მაგათის ინტერესმა მე გამაოცა. გერმანიის ჩემპიონატი, ერთ-ერთი უძლიერესია მსოფლიოში.

-თქვენ შეგეშინდათ, რომ მადრიდში სათადარიგო სკამზე ჯდომა მოგიწევდათ?

-მე ადვილად შემეძლო დარჩენა, მოურინიომ მე მხარდაჭერა გამომიცხადა, მაგრამ მე რაღაც ახლი მინდოდა. მე ვუსურვებ "მადრიდს" ყველაფერ საუკეთესოს, მაგრამ მე ახლა აქ ვარ და მინდა ამ კლუბს მთელი ენერგია მოვახმარო.

-როგორ მიგიღეს თანაგუნდელებმა?

შესანიშნავად, ისინი ყველაფერში მეხმარებიან.

-ახლა თქვენ გსურთ ჩემპიონობა "შალკესთან" ერთად, მართალია?

-დიახ, მართალია და მე ამისათვის ბევრი უნდა ვიმუშაო. ასეთი მწვრთნელით, როგორიც ჩვენ გვყავს, ყველაფერი შესაძლებელია. ვფიქრობ, რომ მე სწორი გადაწყვეტილება მივიღე, მე ამ გუდში კარიერის დასრულება მსურს, აქ ყველა ოცნებობს ჩემპიონობაზე.

-თქვენი მთავარი კონკურენტი "ბაიერნი" იქნება?

სავარაუდოდ კი, მაგრამ არიან სხვა პრეტენდენტებიც.

-კიდევ ორი გოლი და თქვენ გახდებით საუკეთესო ბომბარდირი ევროპულ ტურნირებზე.

-ეს იყო ჩემი გადმოსვლის ერთ-ერთი მიზეზი, ეს მიზანი მე მოტივაციას მმატებს, მაგრამ არჩევანის შემთხვევაში, მე ბუნდესლიგის ჩემპიონობას ავირჩევდი.

-ეს სიმართლეა, რომ თქვენით ლივერპული იყო დაინტერესებული?

-იყო რამოდენიმე ინგლისური კლუბის ინტერესი, მაგრამ მე "შალკეს" სიტყვა მივეცი.

წყარო: As.com
ავტორი: CH1PO