The Sun-ის ცნობით, მადრიდის „რეალის“ ინტერესი ხვიჩა კვარაცხელიას მიმართ დიდია, მაგრამ ფლორენტინო პერესს სერიოზული კონკურენტიც ეყოლება...

საქმეში „ნიუქასლი“ ერთვება, რომელიც 2023 წელს ძალიან ხმაურიან სატრანსფერო კამპანიას აანონსებს. უკვე 1 წელია „კაჭკაჭები“ მნიშვნელოვნად ძლიერდებიან, რაც პრემიერლიგის ცხრილშიც შესანიშნავად არის ასახული.

„კვარადონას“ მიმართ ინტერესი სხვა კლუბებსაც აქვთ, მაგრამ „ნაპოლი“ მაქსიმუმს გააკეთებს იმისათვის, რომ ფეხბურთელის შენარჩუნება მოახერხოს.

ფაქტი ის არის, რომ ქართველების უსაყვარლესი ფეხბურთელი პროგრესს განაგრძობს და ტოპ კლუბების რადარზეა მოქცეული.

ამავე The Sun-ზე დაყრდნობით, ხვიჩას ფასი 50 მილიონს მნიშვნელოვნად გადააჭარბებს.