ბრიტანული გამოცემების ცნობით, ჯუდ ბელინგემის სანაცვლოდ ლონდონის „ჩელსი“ 145 მილიონი ევროს გადახდას აპირებს...

ლონდონელებს ვეღარაფერი აჩერებს. საოცარი სატრანსფერო კამპანიის ჩატარებისა და უამრავი ფეხბურთელის დამატების მიუხედავად, „არისტოკრატები“ აქტიურობას ზაფხულშიც გააგრძელებენ. „რეალს“ და სხვა გუნდებს „ჩელსის“ სახით დიდი კონკურენტი გამოუჩნდათ.

ლონდონური მხარე „დორტმუნდს“ 145 მილიონ ევროს სთავაზობს, ბელინგემს კი 5 წლიან კონტრაქტს და სოლიდურ ხელფასს. Athletic-ის ინფორმაციით, ინგლისელები უახლოეს კვირებში გერმანიაში ვიზიტს და ბორუსიელებთან შეხვედრას გეგმავენ.

„მარკას“ ცნობით, „რეალი“ აღნიშნულ საკითხზე ინფორმირებულია, მაგრამ დამატებითი ნაბიჯების გადადგმას აღარ აპირებს, რადგან ჯუდს მადრიდელთა წინადადება განსახილველად უკვე გადაგზავნილი აქვს.