მსოფლიოს საკლუბო ჩემპიონატის ფინალის წინ, ანჩელოტის შეგირდებმა დასკვნითი ვარჯიში გამართეს.

განვლილ სესიაზე, რომელშიც ბენზემაცა და მილიტაოც იღებდნენ მონაწილეობას, ფეხბურთელებმა ბოლო დარიგებები მიიღეს სამწვრთნელო შტაბისგან. გახურების შემდეგ, ისინი ბურთის ფლობისა და სხვადასხვა სავარჯიშოს შესრულებაზე გადაერთვნენ, რასაც მინი მოედანზე საფეხბურთო მატჩი და კარში დარტყმები მოჰყვა.

ფრანგისა და ბრაზილიელის მსგავსად, სრული დატვირთვა მიიღეს ასენსიომ და კარვახალმა. როგორც იცით, ესპანელებმა ნახევარფინალური დაპირისპირება გარკვეული დისკომფორტის გამო გამოტოვეს.

„რეალისა“ და „ალ ჰილალის“ დაპირისპირება 11 თებერვალს, 23:00 საათზე აიღებს სტარტს.