„აღნიშნული ტურნირი მეტად მნიშვნელოვანია. ჩვენ რთული პერიოდი გამოვიარეთ და ფეხბურთელებსს ვთხოვე, რომ მაქსიმალური სიამოვნება მიიღონ მომავალი შეხვედრისგან.“

„„ალ ჰილალი“ კარგი გუნდია, სადაც ფეხბურთელები ინდივიდუალური თვისებებით გამოირჩევიან. მათი შემადგენლობა დაკომპლექტებულია საუდის არაბეთის ნაკრებისა და სხვა გამოცდილი მოთამაშეებით. მეტოქის მიმართ პატისვიცემას ვიჩენთ. რა თქმა უნდა, ხშირად არ გვიწევს მსგავსი ხასიათის პაექრობებში მონაწილეობის მიღება, შესაბამისად, დიდი ენთუზუამზით ველოდებით მათთან დაპირისპირებას.“

„ბენზემა და მილიტაო მაროკოში ჩამოვიდნენ. დღეს ისინი დასკვნით სესიაში ჩაერთვებიან და უკვე ხვალ გადავწყეტ, გამოვლენ თუ არა მოედანზე.“

„სებალიოსმა შესანიშნავად წარმოაჩინა შესაძლებლობები განვლილი მატჩების განმავლობაში. ლუკას ფიზიკური კონდიციებიც უმჯობესდება. იგივეს თქმა შეიძლება ჩუამენიზეც, რომელსაც ტრავმა აწუხებდა.“

„ნახევარდაცვის ხაზი? ჩემთვის რთულია სასტარტო თერთმეტეულს შერჩევა, თუმცა ფეხბურთელები ყოველთვის გაგებით ეკიდებიან მიღებულ გადაწყვეტილებებს.“

„რამონ დიასი („ალ ჰილალის“ მწვრთნელი) თავის დროზე დიდებული თავდამსხმელი იყო, საკმაოდ ძლიერი და ინტენსიური. მან ყველა კლუბში დატოვა თავისი კვალი. ფეხბურთელობის დროს ჩვენი გზები ხშირად იკვეთებოდა, მაგრამ მწვრთნელის რანგში, პირველად დავუპირისპირდები მას. თამაშის დაწყებამდე კი, გულთბილად მივესალმები.“

„კარიმს ტრავმის გამო ბევრი თამაში გაუცდა სეზონის სტარტზე, თუმცა დაბრუნების შემდეგ მეტად სასარგებლოა. დარწმუნებული ვარ, მომდევნო წელსაც ნაყოფიერად იასპარეზებს. დავიმატებთ თუ არა ახალ თავდამსხმელს ზაფხულში? ამ საკითხთან დაკავშირებით მოგვიანებით გვექნება დისკუსია.“

„ბრაზილიის გაწვრთნა? ჩემი სიტუაცია ნათელია. „რეალთან“ 2024 წლის 30 ივნისამე მაკავშირებს მოქმედი კონტრაქტი.“

„მიუხედავად სუპერ თასზე და „მალიორკასთან“ განცდილი მარცხისა, რაც მტკივნეული იყო, ვგონებ, დიდებული სეზონი გვექნება. შემადგენლობა მნიშვნელოვნად გააუმჯობესა თამაში და რაც მთავარია, მოთამაშეები თავდაჯერებულნი არიან, მათ ყურები არ ჩამოუყრიათ. ტიტულის მოგება დამატებით ბიძგს მოგვცემს.“

„ფეხბურთი იცვლება და უფრო მასშტაბური ხდება. ამის დასტურია „ალ ჰილალის“ ხილვა მუნდიალის გადამწყვეტ ორთაბრძოლაში.“

„მიმდინარე ციკლი კარგად დავიწყეთ, ევროპის სუპერ თასის მოპოვებით და კატარის მსოფლიოს ჩემპიონატამდე წარმატებით გამოვდიოდით. ამის შემდეგ კი, სიტუაცია გართულდა. თებერვალში ჩვენი პროგრესი თვალსაჩინოა, ფეხბურთელებიც იუმჯობესებენ ფორმას. ახლა ფინალში ვართ და გამარჯვებისთვის მაქსიმუმის გაღება გვმართებს.“

„ვინისიუსთან დაკავშირებით იგივე აზრზე ვრჩება. მას პრობლემები არ აქვს. საჭიროა გამოსავლის პოვნა.“

„ვერ გეტყვით როდრიგო რამდენ გოლს მოითვლის. ფაქტი ერთია, მას შეუძლია მეტოქის დამწუხრება. განვლილ სეზონში ბრაზილიელი არა ერთი მნიშვნელოვანი ბურთის ავტორი გახდა.“