ესპანური გამოცემების ცნობით, „ალ აჰლისთან“ მოპოვებული გამარჯვების შემდეგ, ნაჩო ფერნანდესი მადრიდში დაბრუნდა.

„რეალის“ ფეხბურთელი ფლორენტინო პერესის პირადი თვითმფრინავით გაემგზავრა ესპანეთის დედაქალაქისაკენ, სადაც თავისი მეუღლის მშობიარობას დაესწრო.

როგორც სოციალური ქსელიდან ირკვევა, ნაჩო მე-4 შვილის მამა გახდა.

ფეხბურთელი უახლოეს საათებში ისევ რაბათში იქნება და ფინალისწინა სესიაზე მიიღებს მონაწილეობას.