ესპანური გამოცემები აქტიურად იუწყებიან, რომ მადრიდის „ატლეტიკოს“ ინტერესი დანი სებალიოსის მიმართ უდიდესია...

„როხიბლანკო“ ესპანელ ნახევარმცველს მარკოს ლორენტეს მაგალითს ახსენებს და არწმუნებს, რომ სებას „ატლეტიკოელთა“ რიგებში ახალი ეპოქის შექმნა შეუძლია.

ლორენტე „ბლანკოსში“ ვერ ბრწყინავდა, მაგრამ „როხიბლანკოს“ რიგებში დიდებული ფეხბურთი ითამაშა და ყველას დაუმტკიცა საკუთარი პოტენციალი.

ენრიკე სერეზოს წარმომადგენლობა სებალიოსთან შეხვედრას მომდევნო კვირაში გეგმავს.

არაოფიციალური ინფორმაციით, მადრიდელები დანის 5 წლიან კონტრაქტს და გაცილებით უკეთეს სახელფასო პირობებს შესთავაზებენ, ვიდრე მოთამაშეს ამ ეტაპზე აქვს.