იასპარეზებს თუ არა კურტუა საკლუბო მუნდიალზე?
„მალიორკასთან“ შეხვედრაში „რეალის“ კარი ანდრეი ლუნინმა დაიცვა.
თავდაპირველად, სასტარტო შემადგენლობაში მთავარი კიპერი, ტიბო კურტუა მოიაზრდებოდა, თუმცა ამ უკანასკნელმა, მატჩისწინა გახურების დროს ტრავმა მიიღო და შესაბამისად, სათადარიგო სკამიდან მიადევნა თვალი თანაგუნდელების უსახურ ბურთაობას.
არსებული მომენტისათვის, ბელგიელის დაზიანების ხარისხი უცნობია. მას ორშაბათს ჩაუტარდება შესაბამისი გამოკვლევა, მაგრამ ადგილობრივი პრესის ინფორმაციით, დიდია ალბათობა იმისა, რომ „პირველმა“ ნომერმა მაროკოში გასამართი მსოფლიოს საკლუბო ჩემპიონატი გამოტოვოს.
როგორც იცით, „რეალი“ აღნიშნულ ტურნირზე 8 თებერვალს ჩაატარებს საწყის დაპირისპირებას.
ინფორმაციისათვის, მიმდინარე სეზონში კურტუა უკვე მეორედ აღმოჩნდა ლაზარეთში. შემოდგომაზე მას 6 თამაშის გაცდენა მოუწია.
- 6 თებერვალი 2023
- 702
- 4
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
