სამეფო კლუბის არგენტინელმა ახალწვეულმა, ანხელ დი მარიამ ბაიერნთან მატჩი გაანალიზა და საკუთარი აზრები ჟურნალისტებს გაუმხილა...

"ჩვენთვის ძალიან დიდი მნიშვნელობა ჰქონდა ამ მატჩის მოგებას, ეს ელემენტარული ფსიქოლოგიური თვალსაზრისია. სამეფო კლუბმა დაამარცხა გერმანული გიგანტი, წინასასეზონო მომზადების დროს ბაიერნთან გამარჯვება მართლაც ძალიან ბევრს ნიშნავს, ჩვენ ვაგრძელებთ პროგრესირებას."

"თამაშის ხარისხი არც ისე კარგი იყო, მაგრამ რამდენიმე საინტერესო მომენტი ნამდვილად შეიქმნა. ვფიქრობ, ყველაფერს დრო გვიჩვენებს. მოურინიო ყველაფერს აკეთებს იმისათვის, რომ "რეალმა" სანახაობრივი ფეხბურთი ითამაშოს, მაგრამ ლამაზ თამაშთან ერთად აუცილებელია შედეგი."

"ჩემი თამაშით კმაყოფილი ვარ, რამდენიმე მომენტში შევძელი სიტუაციის გამწვავება, მაგრამ ჯერ ეს არაფერია, მე გაცილებით მეტის გაკეთება შემიძლია გუნდისთვის."

"მოკლე დროში ბევრი რამ ვისწავლე მოურინიოსგან და ამით ძალიან ბედნიერი ვარ, მე მისგან მუდამ დარიგებებს ვიღებ და ეს მახარებს."