Relevo-ს ცნობით, ჯუდ ბლეინგემის „რეალში“ ტრანსფერზე ბევრი რამ იქნება დამოკიდებული...

თუ ინგლისელი ფეხბურთელი „მერენგების“ ღირსებას დაიცავს, ლუკა მოდრიჩი კოლექტივს დატოვებს. ფლორენტინო პერესი ხვდება, რომ ჯუდმა ბევრი უნდა ითამაშოს და მისთვის სათადარიგო სკამზე დაჯდომა დამღუპველი იქნება, სწორედ ამიტომ დიდი ალბათობით, სწორედ მოდრიჩს მოუწევს აბარგება.

მიუხედავად იმისა, რომ ლუკიტა ახლაც შესანიშნავ ფორმაშია, გრძელვადიან პერსპექტივაში მასზე გათვლა ვერ გაკეთდება.

იმ ფონზე, რომ გუნდი სებალიოსსაც კონტრაქტის გახანგრძლივებას სთავაზობს, ნახევარდაცვაში სერიოზულ კონკურენცია ყალიბდება.