როგორც იცით, პრიმერას 21-ე ტურში „რეალი“ „ელჩეს“ დაუპირისპირდება.

პარიასის გუნდი მიმდინარე სეზონში ყველაზე ცუდად გამოიყურება. ისინი მხოლოდ 9 ქულას ითვლიან და დამსახურებულად იკავებენ სატურნირო ცხრილის ბოლო პოზიციას.

აღსანიშნავია, რომ 15 თებერვალს, ისედაც არასახარბიელო სიტუაციაში მყოფი „ელჩე,“ სერიოზული საკადრო პრობლემებით წარსდგება „სანტიაგო ბერნაბეუზე.“ მათ შემადგენლობაში არ იქნებიან ელიბენტონ პალასიოსი და ომარ მასკარელი, რომლებმაც „ვილიარეალის“ წინააღმდეგ, რიგით მეხუთე ყვითელი მიიღეს და შესაბამისად, 1 მატჩიანი დისკვალიფიკაციით დაისაჯნენ.