ესპანეთის სამეფოს ფეხბურთის ფედერაციამ პრიმერა დივიზიონის მე-20 ტურის მატჩებზე მსაჯები დანიშნა.

„მალიორკასა“ და „რეალის“ დაპირისპირებას, რომელიც 5 თებერვალს (17:00 საათზე) გაიმართება, ალეხანდრო ხოსე ერნანდეს ერნანდესი მოემსახურება, ხოლო VAR-ის ოთახში რიკარდო დე ბურგოს ბენგოეჩეა იმუშავებს.

აღნიშნული მატჩი 40 წლის არბიტრისათვის 30-ე იქნება „ბლანკოსის“ მონაწილეობით. მადრიდელებმა მის პირობებში 17 გამარჯვება მოიპოვეს, 5-ჯერ ფრეს დასჯერდნენ და 7-ჯერ მარცხი განიცადეს.