„რეალის“ ფეხბურთელებმა „ვალენსიასთან“ მატჩამდე დასკვნითი ვარჯიში ჩაატარეს.

განვლილ სესიაზე ანჩელოტის შეგირდებმა ძირითადი ყურადღება გაამახვილეს ტაქტიკურ, ფიზიკურ და სტრატეგიულ სავარჯიშოებზე, ხოლო ბოლოსკენ კი, მინი მოედანზე რამდენიმე მატჩი გამართეს.

დანიელ კარვახალი და ორელიენ ჩუამენი თანაგუნდელების გვერდით ირჯებოდნენ. ისინი მზად არიან სათამაშოდ.

დავიდ ალაბა და ლუკას ვასკესი ინდივიდუალური პროგრამით იყვნენ დაკავებულნი.

ფერლან მენდი სარეაბილიტაციო პროცესს განაგრძობს.