ჯერ კიდევ გუშინ ვრცელდებოდა ინფორმაციები, რომლის მიხედვითაც, ისკო ალარკონი კარიერას ესპანეთის მეორე ლიგაში, კერძოდ კი „მალაგაში“ განაგრძობდა, მაგრამ არსებული ინფორმაციით, ესპანელს სხვა მსურველი გამოუჩნდა...

ალარკონმა სიტყვიერ შეთანხმებას მიაღწია „იუნიონ ბერლინთან“ და დღეს სამედიცინო შემოწმების გავლაა დაგეგმილი. როგორც სჩანს, ესპანელი ფეხბურთელის მომდევნო ნავსაყუდელი გერმანიის ბუნდესლიგა იქნება.

რაც შეეხება კონტრაქტს, წინასწარი ინფორმაციით, ისკო გერმანიაში 2024 წელის ზაფხულამდე დარჩება.