წიგნის პრეზენტაციაზე ფლორენტინო პერესმა „რეალში“ არსებულ სიტუაციაზე, სამომავლო გეგმებსა და კარლო ანჩელოტიზე ისაუბრა...

„არავის არასდროს დაავიწყდება, როგორ მოვიგეთ ჩემპიონთა ლიგის მე-14 თასი და რამხელა ბარიერების გადალახვა მოგვიწია წარმატების მისაღწევად. ჩვენ შევქმენით უდიდესი ლეგენდა და გავამყარეთ ის ისტორია, რომელიც სამეფო კლუბს 120 წლიან ისტორიაში საუკეთესოს ხდის.“

„„რეალი“ არასდროს ნებდება, ამ გუნდის „დნმ“ გამარჯვებაა, სწორედ ამიტომ კოლექტივმა შარშანდელ სეზონში ბერნაბეუზე საოცარი საღამოები შემოგვთავაზა.“

„ანჩელოტიმ ფეხბურთელებისგან ნამდვილი ოჯახი შექმნა, მას უდიდესი წვლილი მიუძღვის წარმატების მიღწევაში.“

„ფეხბურთელებმა იციან სად თამაშობენ, ერგებიან იდენტობას, იზიარებენ ფილოსოფიას და ისტორიას, რომელიც ამ უდიდეს გუნდს აქვს.“

„ბერნაბეუზე უკვე დიდი ხანია ქცეულია ტერიტორიად, სადაც ჯადოსნური ოცნებები ხდება. ეს არის უნიკალური ადგილი, რომელსაც ბევრი მნიშვნელოვანი გამარჯვება ახსოვს.“

„ჩვენ უნდა მივყვეთ გზას, რომელიც კიდევ არაერთ გამარჯვებამდე მივყავართ. „რეალის“ ისტორია ტიტულებით დახუნძლულია.“

„სამეფო კლუბი გულშემატკივრების, ფეხბურთელებისა და სამწვრთნელო შტაბის საოცარი ერთობით აღწევს წარმატებას. დიახ, ჩვენ ერთმუშტად შეკრული კოლექტივი ვართ, რომელიც არასდროს ნებდება.“

„მთავარი მწვრთნელი? ხელმძღვანელობისგან ანჩელოტის სრული ნდობა და პატივისცემა აქვს. კარლიტოს მადრიდული კარიერა მაშინ დასრულდება, როდესაც ამას თავად გადაწყვეტს.“