განვლილი მადრიდული დერბის წინ, „ატლეტიკოს“ ფანებმა კიდევ ერთხელ გამოხატეს სიძულვილი ახალგაზრდა ფეხბურთელის მიმართ.

ვინისიუს ჯუნიორმა „კოპა დელ რეის“ მეოთხედფინალურ პაექრობაში დიდი მხარდაჭერა მიიღო „სანტიაგო ბერნაბეუზე“ შეკრებული ქომაგებისაგან. ბრაზილიელი მოთამაშე მეტად კონცენტრირებული იყო მთელი მატჩის განმავლობაში და მეორე ექსტრა ტაიმის ბოლოს, გოლიც გაიტანა იან ობლაკის კარში.

უკვე ნამატჩევს კი, ვინიმ სოციალური ქსელის საშუალებით უპასუხა მეტოქეს: „მხოლოდ ერთი მადრიდი არსებობს და ეს ყველამ იცის!“