„ატლეტიკოსთან“ დაფიქსირებული გამარჯვება ტონი კროოსისთვის ისტორიული გამოდგა...

გერმანელმა მოთამაშემ „მერენგების“ მასისურით 250-ე გამარჯვება დააფიქსირა და დაპირისპირების შემდეგ პრეზიდენტი პერესისგან საჩუქრად სიმბოლური მაისურიც მიიღო.

250 მოგებისთვის, ტონის 390 მატჩი დასჭირდა. აღსანიშნავია, რომ 250-იდან 169 გამარჯვება ლა ლიგაზე მოდის, 57 ჩემპიონთა ლიგაზე, 9 სამეფო თასზე, 7 მსოფლიო საკლუბო ჩემპიონატზე, 5 ესპანეთის სუპერთასზე და 3 ევროპის სუპერთასზე.

კროოსი „რეალის“ რიგებში 18 ტიტულს მოითვლის, მათ შორის არის ჩემპიონთა ლიგის 4 თასი.

ფეხბურთელი მადრიდში მე-9 სეზონს ატარებს და ეჭვი არავის ეპარება, რომ სეზონის ბოლომდე ჩატარებული მატჩების მხრივ „400“-იანთა კლუბის წევრი გახდება.