„კოპა დელ რეის“ მეოთხედფინალური ეტაპის მატჩში „რეალის“ სამმა ფეხბურთელმა მიიღო დაზიანება.

წინასწარი ინფორმაციით, ფერლან მენდიმ კუნთი აიტკივა, რის გამოც 44-ე წუთზე, მის ნაცვლად დანიელ სებალიოსი ჩაერთო საქმეში. შესაბამისად, მარცხენა მცველის ამპლუა კამავინგამ მოიგო, ხოლო საყრდენის პოზიციაზე კროოსი გაისარჯა.

მეორე ექსტრა ტაიმში კი, 114-ე წუთზე მოედნის დატოვება როდრიგოსა და ნაჩოს მოუხდათ. ორივეს შემთხვევაში საქმე გვაქვს გარკვეულ დაზიანებასთან.

არსებული მომენტისათვის უცნობია, ფეხბურთელების ტრავმების ხარისხი.

კარლო ანჩელოტის თავსატეხი არ ელევა. „ატლეტიკოსთან“ მატჩამდე გუნდის ლაზარეთში 5 ფეხბურთელი (ჩუამენი, ალაბა, ლუკას ვასკესი, კარვახალი და აზარი) იყო.