ბოლო პერიოდის განმავლობაში ახალგაზრდა ფეხბურთელი ხშირად ხდება თავდასხმის მსხვერპლი, როგორც მეტოქე გუნდის ფეხბურთელების, ასევე გულშემატკივრების მხრიდან. მადრიდულ დერბიმდე „როხიბლანკოს“ ფანების ქმედებაც ამის ნათელი დასტურია.

მადრიდისტების გადაწყვეტილებით, „რეალისა“ და „ატლეტიკოს“ დღევანდელი მატჩის მე-20 წუთზე, სტადიონზე შეკრებილი ქომაგები მხურვალე აპლოდისმენტებით გაამხნევებენ ვინისიუს ჯუნიორს. აღნიშნული ჟესტით კლუბი და ინჩადა კიდევ ერთხელ სრულ მხარდაჭერას გამოუცხადებს მოთამაშეს და შესაბამის ორგანოებს მოუწოდებს, უყურადღებოდ არ დატოვონ ვინის მიმართ შეურაცხოფა, რაც ხშირად რასიზმსაც მოიცავს.