ესპანეთის სამეფოს ფეხბურთის ფედერაციამ პრიმერა დივიზიონის მე-19 ტურის შეხვედრებზე მსაჯები დანიშნა.

„რეალისა“ და „რეალ სოსიედადის“ დაპირისპირებას, რომელსაც „სანტიაგო ბერნაბეუ“ უმასპინძლებს (29 იანვარი, 23:55), მარიო მალეო ლოპესი განსჯის, ხოლო „ვარ“-ზე პასუხისმგებელი ხაიმე ლატრე იქნება.

43 წლის არბიტრი, კარიერის განმავლობაში, მეთორმეტედ გაუძღვება მადრიდელების მონაწილეობით პაექრობას. წინა 11 მატჩიდან, „ბლანკოსმა“ 8 მოიგო, 2-ჯერ ფრე დააფიქსირა და ერთხელაც მარცხი განიცადა.