სამეფო კლუბმა ესპანელთან დაკავშირებით გადაწყვეტილება მიიღო.

As-ის ინფორმაციით, ფრან გარსია ერთ ნაბიჯში იმყოფება „რეალთან.“ მიუხედავად სხვა კლუბების მხრიდან დიდი ინტერესისა, მადრიდელები მარცხენა მცველის დათმობას არ აპირებენ. ისინი 5 მილიონი ევროს სანაცვლოდ გამოისყიდიან „რაიო ვალეკანოდან“ მოთამაშის ტრანსფერს. როგორც იწერება, აღნიშნული შეთანხმება უახლოეს საათებში გაფორმდება, თუმცა ფეხბურთელი სეზონის ბოლომდე იჯარის წესით კვლავ ამჟამინდელ გუნდში დარჩება, ხოლო ზაფხულში კი, ანჩელოტის განკარგულებაში გადავა.

გარსიასადმი სიმპათიებს გამოხატავდნენ „ბაიერი“ და „ინტერი.“ თავად ფრანის ბავშვობის ოცნებაა „რეალის“ პირველ გუნდში ასპარეზობა. მას „ბლანკოსის“ სხვადასხვა ასაკობრივი შემადგენლობები აქვს გამოვლილი, ხოლო 2021 წლიდან „რაიოს“ რიგებს აძლიერებს.