როგორც იცით, კოლუმბიაში, სამხრეთ ამერიკის 20 წლამდელთა ჩემპიონატი მიმდინარებს.

აღნიშნულ ტურნირზე „რეალ მადრიდ კასტილია“ 2 ფეხბურთელითაა წარმოდგენილი. 18 წლის ალვარო როდრიგესი ურუგვაის ღირსებას იცავს, ხოლო ნიკო პასი არგენტინელთა ნახევარადცვას ამაგრებს.

ჯგუფური ეტაპის პირველ მატჩში, ურუგვაელებმა 3 უპასუხო გოლი გაუტანეს ჩილეს. რაულის გუნდის თავდამსხმელი საწყისი წუთებიდან ირჯებოდა სადებიუტო შეხვედრაში და ის მხოლოდ 63-ე წუთზე შეცვალა მწვრთნელმა. ბროლის შეგირდები მომდევნო პაექრობა 25 იანვარს, ვენესუელას წინააღმდეგ ჩაატარებენ.

რაც შეეხება მაშერანოს დარიგებულ კოლექტივს, მათი ასპარეზობა კრიტიკას ვერ უძლებს. 2 ტურის თავზე, ახალგაზრდა „ალბისელესტელები“ 0 ქულას მოითვლიან. მათ ჯერ „პარაგვაისთან“ განიცადეს მარცხი (2-1), შემდეგ ბრაზილიასთან (1-3). აღსანიშნავია, რომ პირველ შემთხვევაში ნიკოლას პას მარტინესი ძირითად შემადგენლობაში ირჯებოდა და მოედანზე 59 წუთი გაატარა, „სელესაოსთან“ დაპირისპირებაში კი, მეორე ტაიმის განახლებისთანავე ჩაერთო საქმეში.