as.com-ის ჟურნალისტმა იოზილთან მოახერხა შეხვედრა და ინტერვიუს ჩამორთმევა,მაგრამ გერმანელი მის მიმართ უხეში აღმოჩნდა და რეალის გაგონებაზე ინტერვიუ მიატოვა.

იოზილი as.com-ის ჟურნალისტმა მაშინ გამოიჭირა,როცა ის ბრემენის ვერდერის ბაზაზე მივიდა.

იოზილი მაურინიოს ყურადღების ქვეშ მოექცა და მთელი ზაფხულის განმავლობაში აქტიურობდა,რომ გერმანელი შეეძინა.თავდაპირველად მისი ფასი 16 მილიონი იყო,მაგრამ,როცა მისი ტრანსფერი "მიუწვდომელი" გახდა,პერესი მზად იყო 25 მილიონიც კი გადაეხადა.

რამოდენიმე დღის წინ Volkswagen-მა მას უახლესი მოდელი აჩუქა.მანქანა თეთრი ფერისაა და ჟურნალისტმა მას შემდეგი შეკითხვა დაუსვა: "ხომ არ უკავშირდება თეთრი ფერის მანქანა თქვენი რეალში გადასვლას?"

გუშინ 13:00 საათზე იოზილი Weserstadion-ზე მივიდა გუნდის შეკრებაზე,სადაც მას ჟურნალისტი დახვდა და მანაც ზემოთ ხსენებული კითხვა დაუსვა.თავდაპირველად გერმანელი ფეხბურთელი სიამოვნებით დათანხმდა ინტერვიუზე,მაგრამ რეალის გაგონებაზე ნერვებზე მოიშალა და დროზე ადრე მიატოვა ინტერვიუ.წასვლის წინ კი ასეთი განცხადება გააკეთა:"არ მინდა რეალზე ლაპარაკი,უკვე ყელში ამომივიდა,არც რეალში გადავალ,არც ბარსელონაში,არც მანჩესტერში, ვერდერში ვრჩები!!!"

ინფორმაციის წყარო: as.com