დანიელ სებალიოსმა „ატლეტიკთან“ დაპირისპირება სასტარტო თერთმეტეულში დაიწყო. ესპანელმა ნამატჩევს კომენტარი გააკეთა.

„„ვილიარეალთან“ მატჩში დიდებული მეორე ტაიმი ჩავატარე და ამის წყალობით, მწვრთნელმა ბასკების წინააღმდეგ ძირითად შემადგენლობაში თავის გამოჩენის შანსი მომცა. ჩემი მიზანი იყო საუკეთესო თვისებების გამოვლენა.“

„ჩვენ ანჩელოტის განკარგულებაში ვართ და ის წყვეტს, თუ ვინ უნდა იასპარეზოს. მან ნდობა გამომიცხადა ისეთ გუნდთან, როგორიც „ატლეტიკია.“ მხოლოდ წინ ვიყურები და მაქსიმალურად შევასრულებ მისტერის დავალებებს.“

„„რეალზე“ დიდი კლუბი არ არსებობს. ახლა უადგილო იქნება ჩემი მხრიდან კონტრაქტზე საუბარი, რომელსაც 4 თვეში გასდის ვადა. სეზონის დასრულებამდე უამრავი მატჩია დარჩენილია და ყველაფერს გავაკეთებ, რომ უმაღლესი დონე ვაჩვენო და კარიერა მადრიდულ გრანდში გავაგრძელო.“