კარიმ ბენზემა მნიშვნელოვანი 3 ქულის მოპოვებაში დაეხმარა გუნდს.

„ატლეტიკის“ კარში გატანილი გოლი, ფრანგი თავდამსხმელისათვის 228-ე გამოდგა პრიმერა დივიზიონის მასშტაბით და აღნიშნულ კომპონენტში ლეგენდარულ რაულ გონსალესს გაუთანაბრდა. ისინი ესპანეთის ჩემპიონატის ყველა დროის საუკეთესო ბომბარდირთა დავაში მე-5 პოზიციას იყოფენ და მათ წინ მხოლოდ 4 მოთამაშეა: უგო სანჩესი (234 გოლი), ტელმო სარა (251), კრიშტიანუ რონალდუ (311) და ლიონელ მესი (472).

რა თქმა უნდა, „ოქროს ბურთის“ მფლობელი მიღწეულით დაკმაყოფილებას არ აპირებს!