ახალგაზრდა ნახევარმცველი „ატლეტიკთან“ დაპირისპირებას სასტარტო შემადგენლობიდან დაიწყებს.

ფედერიკო ვალვერდე სეზონის პირველ ნაწილში შთამბეჭდავად ასპარეზობდა. ბენზემას პრობლემების ფონზე, მან ვინისიუსთან ერთად ლიდერობა იტვირთა და აღნიშნულზე სტატისტიკაც მეტყველებს. სამხრეთ ამერიკელმა მეტოქეთა კარი 8-ჯერ აიღო.

თანაგუნდელების მსგავსად, განვლილმა მსოფლიოს ჩემპიონატმა ურუგვაელის კონდიციებზეც უარყოფითად იმოქმედა. სეზონის განახლების შემდეგ, ფედე საკუთარ თავს არ ჰგავს. მისი მოქმედებები მოედანზე მეტად არაპროდუქტიულია, თუმცა ფეხბურთელი ყველაფერს აკეთებს, რომ ძველი ფორმა დაიბრუნოს და კვლავ დიდი წვლილი შეიტანოს გუნდის წარმატებაში.

ვალრვედემ უკანასკნელად 2 ნოემბერს განახორციელა შედეგიანი დარტყმა „ბლანკოსის“ მაისურით. მას შემდეგ კი, უკვე 8 მატჩის განმავლობაში ვერ ახერხებს სამიზნეს გასწორებს.

იმედია, მომავალი პაექრობა ფედერიკოსთვის ნაყოფიერი გამოდგება.