უკვე ხელშასახები და თვალშისაცემია პროგრესი, რომელიც სანტიაგო ბერნაბეუს სარეკონსტრუქციო პროექტის ფარგლებში მიმდინარეობს...

მადრიდის „რეალის“ ულტრამოდერნიზებული არენა მსოფლიო ფეხბურთის ქომაგებს სულ მალე საოცარ სერვისებს შესთავაზებს.

მიმდინარე წლის ბოლომდე სანტიაგო ბერნაბეუს სტადიონი აუცილებლად დასრულდება და ახალ სიტყვას იტყვის საფეხბურთო ისტორიაში.

ბერნაბეუზე კვირაში 7 დღე, 24 საათის განმავლობაში უდიდესი სამუშაოები მიმდინარეობს.

გასულ კვირებში „ბლანკოსს“ გასვლითი დაპირისპირებები ჰქონდა, რაც მენეჯმენტმა სათავისოდ გამოიყენა და სტადიონზე არნახულად დიდი მასშტაბის სამუშაოები აწარმოა. ფაქტობრივად 2 თვის განმავლობაში „რეალს“ ბერნაბეუზე არ უასპარეზია.

უნდა აღინიშნოს, რომ სარეკონსტრუქციო სამუშაოებზე უკვე 700 მილიონ ევროზეე მეტია დახარჯული.