არსებული ინფორმაციით, „ბილბაოსთან“ დაპირისპირებაში ფედერიკო ვალვერდე შეტევაში დაბრუნდება და ნახევარდაცვის ცენტრში აღარ დაიტვირთება...

კარლო ანჩელოტი „სან მამესზე“ წინა ხაზის დაკომპლექტებას ვინისიუს ჟუნიორის, ბენზემას და ფედერიკოს ტრიოთი აპირებს. ურუგვაელს დამატებით ფუნქციებიც ექნება, მას დაცვაში ჩამოსვლა და ნაჩო ფერნანდესის დახმარება ხშირად მოუწევს.

ნახევარდაცვაში იტალიელი სპეციალისტი ედუარდო კამავინგას, ტონი კროოსის და დანიელ სებალიოსის გამოყენებას გეგმავს, საჭიროების შემთხვევაში კი საქმეში ლუკა მოდრიჩიც ცაერთვება.

საერთო ჯამში შეიძლება ითქვას, რომ კარლო ანჩელოტი 4-3-3 სქემას არ უღალატებს, თუმცა ტაქტიკა ხშირად გარდაიქმნება 4-4-2-ად და ვალვერდე გაირჯება, როგორც დაცვასა და ნახევარდაცვაში, ასევე შეტევაში.