ფრანგი ფეხბურთელის მიმართ ევროპული კლუბების ინტერესი ძალიან დიდია.

გაზეთ Evening Standard-ის ინფორმაციით, „არსენალის“ სურვილია, სეზონის ბოლომდე ედუარდო კამავინგა დაიმატოს. „მეთოფეები“ პრემიერ ლიგის სატურნირო ცხრილს ლიდერობენ და უნდათ, რომ ნანატრ ტიტულისაკენ მიმავალ გზაზე შემადგენლობა გააძლიერონ.

სავარაუდოდ, ზამთრის სატრანსფერო ფანჯრის დახურვამდე, ლონდონელები მადრიდელებს დაუკავშირდებიან აღნიშნულ საკითხთან დაკავშირებით, თუმცა მეორე საკითხია, რამდენად აქვს აზრი მათ აქტიურობას, ვინაიდან გუნდში არსებული საკადრო პრობლემის ფონზე, კარლო ანჩელოტისათვის ახალგაზრდა ნახევარმცველი მეტად მნიშვნელოვანი ფიგურაა.

წარსულში, დანი სებალიოსი და მარტინ ოდეგარი იყვნენ განათხოვრებულნი „არსენალში.“