მადრიდის „რეალს“ მომდევნო 2 კვირა საკმაოდ გადატვირთული ექნება...

17 დღის განმავლობაში სამეფო კლუბის ფეხბურთელებს 6 დაპირისპირების გამართვა მოუწევთ, რაც თავისთავად ძალიან დიდ რესურსს მოითხოვს.

ანჩელოტის გუნდი 22 იანვარს „ბილბაოს“ დაუპირისპირდება, 26-ში „ატლეტიკოს“ (ლა კოპაზე), 29-ში კი „სოსიედადს“, რომელიც ძალიან მაღალ დონეზე გამოდის და ამ ეტაპზე ლა ლიგასი მესამე პოზიციას იკავებს.

2 თებერვალს „მერენგები“ „ვალენსიას“ მიიღებენ, 5-ში „მალიორკას“ ესტუმრებიან, ხოლო 8 თებერვალს მსოფლიო საკლუბო ჩემპიონატის ნახევარფინალური პაექრობის გამართვა მოუწევთ.

როგორც ხედავთ, „ბლანკოსი“ ყოველ მესამე დღეს თამაშობხ, ამასთან ერთად უწევს შორეული ფრენა მაროკოში და შემდეგ ისევ ესპანეთში.

ეს იქნება ერთგვარი ტესტი, რომელიც ანჩელოტის შეგირდებმა აუცილებლად წარმატებით უნდა ჩააბარონ.