„რეალის“ მოწინააღმდეგე „კოპა დელ რეის“ მეოთხედფინალში „ატლეტიკო“ იქნება.

გუნდების დაპირისპირებას „სანტიაგო ბერნაბეუ“ უმასპინძლებს, ხოლო სავარაუდო თარიღია 24, 25 ან 26 იანვარი.

აქამდე (ყველა ტურნირზე) გულშემატკივრები 230 მადრიდული დერბის მომსწრენი გახდნენ. „თეთრების“ სტატისტიკა შთამბეჭდავია - 114 გამარჯვება, 59 ფრე და 54 მარცხი.

უშუალოდ სამეფო თასზე გუნდების გზები 42-ჯერ გადაიკვეთა. ამ შემთხვევაში „ბლანკოსმა“ 17 პაექრობა მოიგო, „როხიბლანკომ“ კი 11. საინტერესოა, რომ კლუბები ტურნირის ფინალში 5-ჯერ შეერკინნენ ერთმანეთს, საიდანაც 4-ჯერ ოქროს მედლები „წითელ-თეთრებმა“ დაიბევეს და ოთხივე მატჩი „ბერნაბეუზე“ გაიმართა.

უკანასკნელად მეზობლებმა 2014-15 წლების სეზონში იასპარეზეს „ლა კოპას“ ფარგლებში. მერვედფინალურ სტადიაზე, ორი მატჩის ჯამში (მაშინ მსგავსი ფორმატი მოქმედებდა) „ატლეტიკომ“ 4-2 სძლია მეტოქეს.