ესპანეთის სამეფოს ფეხბურთის ფედერაციამ პრიმერა დივიზიონის მე-20 ტურს მატჩებზე მსაჯები დანიშნა.

როგორც ცნობილი გახდა, 20 იანვარს, „სან მამესზე“ გასამართ „ატლეტიკისა“ და „რეალის“ დაპირისპირებას ხოსე მარია სანჩეს მარტინესი მოემსახურება. VAR-ზე პასუხისმგებლობას კი, ესტრადა ფერნანდესი აიღებს.

39 წლის რეფერის კარიერის განმავლობაში 24-ჯერ უმსაჯია „ბლანკოსის“ მონაწილეობით შეხვედრა. აქედან, 14 შემთხვევაში გამარჯვება „თეთრებს“ დარჩათ, ხოლო 3-ჯერ მარცხი განიცადეს. ამასთანავე, მარტინესს 38-ჯერ ჰყავს გაფრთხილებული „რეალის“ მოთამაშე, ხოლო 2-ჯერ გაძევებული.