„კოპა დელ რეის“ მერვედფინალში „რეალის“ მეტოქე „ვილიარეალი“ იქნება.

ესპანურ პრესაში ვარაუდობდნენ, რომ „ლა სერამიკაზე“ მადრიდელთა კარს ლუნინი დაიცავდა, თუმცა მატჩისწინა პრესკონფერენციაზე ანჩელოტიმ სასტარტო შემადგენლობის მეკარედ ისევ კურტუა დაასახელა.

Relevo-ს ცნობით, უკრაინელი ფეხბურთელი განცვიფრებულია მწვრთნელის გადაწყვეტილებით და პლიუს იმით, რომ უთამაშებლობის შესახებ არა უშუალოდ დამრიგებლისგან, არამედ ჟურნალისტის კითხვის შემდეგ გაიგო. ანდრეის აზრით, „ყვითლების“ წინააღმდეგ თამაშს იმსახურებდა, ვინაიდან კარგ ფორმაშია.

ტურნირის წინა ტურში „კასერენიოს“ წინააღმდეგ, სწორედ ლუნინი გაისარჯა. მიმდინარე სეზონში მან 7-ჯერ იასპარეზა ძირითად თერთმეტეულში (4 გაშვებული გოლი და 3 შემთხვევაში მშრალად შენახული კარი) - ოქტომრის თვეში ტრავმირებული ბელგიელის შეცვლა უწევდა.

აღსანიშნავია, რომ იანვრის სატრანსფერო ფანჯარაზე მეორე კიპერმა უარი თქვა „აიაქსში“ გადასვლაზე, თუმცა ზაფხულში კარგად დაფიქრდება, უღირს თუ არა „რეალში“ დარჩენა.

ლუნინის შესაძლებლობებით დიდად დაინტერესებულნი არიან, როგორც პრემიერ ლიგაში, ასევე ბუნდეს ლიგაში.