სამეფო კლუბს დიდი დანაკლისის ფონზე მოუწევს „კოპა დელ რეის“ მეოთხედფინალური ეტაპის საგზურისათვის ბრძოლა.

კარლო ანჩელოტის „ლა სერამიკაზე“ 5 ფეხბურთელი არ ეყოლება, ჩუამენის, ალაბას, ლუკას ვაკესის, კარვახალისა და მოდრიჩის სახით. საწყისი 4 ფეხბურთელის შემთხვევაში საქმე გვაქვს სხვადასხვა სახის ტრავმასთან, ხოლო ხორვატი ნახევარმცველს ჯანმრთელობასთან დაკავშირებული პრობლემები არ აწუხებს. ის უბრალოდ გადაღლილია და მწვრთნელმა მას დასვენების საშუალება მისცა.

37 წლის ფეხბურთელა კატარში გამართულ მსოფლიოს ჩემპიონატზე დიდი ენერგია დახარჯა. შესაბამისად, მას გარკვეული დრო სჭირდება, რათა ჩვეული ფორმა დაიბრუნოს.