"ბრაზილიელი" ვუნდერკინდის დებიუტი ეროვნულ ნაკრებში აშშ-ს წინააღმდეგ შედგა და ფეხბურთელმა კრიტიკოსების მოწონება დაიმსახურა, მას დიდ მომავალს უწინასწარმეტყველებენ და მიაჩნიათ, რომ სატრანსფერო ფანჯრის დახურვამდე იგი რომელიმე გრანდის მაისურს მოირგებს.

milannews.it-ს თუ დავუჯერებთ "მილანის" ხელმძღვანელობა მზად არის შეიძინოს 20 წლის ფლეიმეიქერი, მაგრამ თავად ფეხბურთელს "მადრიდის რეალში" თამაში სურს, ამიტომ თავს იკავებს გადაწყვეტილების მიღებისაგან.

"მადრიდის რეალი არის ერთადერთი კლუბი, რომელშიც გადასვლაზე ვოცნებობ, სხვა შემთხვევაში სანტოსს არ დავტოვებ, ალბათ ნებისმიერი ფეხბურთელის ოცნებაა იცავდე იმ გუნდის ღირსებას, რომელშიც თამაშობენ კაკა და კრისტიანო რონალდო."

ბრაზილიელის განცხადების შემდეგ "მილანს" მისი შეძენის ყველა შანსი დაეკარგა, მაგრამ "იტალიური" კლუბი არ აპირებს დაყაროს ფარ-ხმალი და შეეცდება შემტევი ნახევარმცველი ამ ზაფხულშივე გადაიბიროს.