ესპანეთის ფეხბურთის ფედერაციამ "ვილიარეალისა" და "რეალის" სათასო დაპირისპირებაზე მთავარი არბიტრი შეცვალა.

თავდაპირველად, "ლა სერამიკაზე" მატჩის განსჯა დიას დე მერას დაევალა, თუმცა პრიმერა დივიზიონის განვლილ ტურში ("კადისი" - "ელჩე") დაშვებული შეცდომის გამო, შესაბამისმა კომიტეტმა მისი დასჯის გადაწყვეტილება მიიღო.

მაშასადამე, "ლა კოპას" მერვედფინალური პაექრობის ახალი რეფერი ხესუს ხილ მანსანო იქნება, ხოლო VAR-ზე პასუხისმგებლობას სანტიაგო ხაიმე ლატე აიღებს.

ხილ მანსანომ კარიერის განმავლობაში 42-ჯერ იმსაჯა შეხვედრა "რეალის" მონაწილეობით. 33 მოგება, 4 ფრე და 5 წაგება - ასეთი "ბლანკოსის" სტატისტიკა მის პირობებში.