რომ არა ტიბო კურტუას თავგანწირული ასპარეზობა „სუპერკოპას“ ფინალში, სამეფო კლუბი უფრო დიდი ანგარიშით დამარცხებოდა „ბარსელონას“ წინააღმდეგ. ბელგიელმა მეტოქისგან 3 გოლი გაუშვა, თუმცა რთულია რომელიმე მათგანში მისი დადანაშაულება.

შემადგენლობის „პირველი“ ნომერი „ბარსასთან“ წაგებასა და ტიტულის დათმობას „თვითერის“ საშუალებით გამოეხმაურა: „დამწუხრებული ვარ ესპანეთის სუპერ თასის ფინალში განვითარებული მოვლენების გამო. დროა შეცდომების გაანალიზებისა და ბრძოლის გაგრძელების. ეს მადრიდის „რეალია.““

კურტუასთვის განვლილი დაპირისპირება მე-200 გამოდგა სამეფო კლუბის რიგებში.