ესპანეთის სუპერ თასზე გამართული დაპირისპირება ტიბო კურტუასათვის საიუბილეო გამოდგა.

ბელგიელი კარის დარაჯი უკვე 200 შეხვედრას მოითვლის „რეალის“ მაისურით. აქედან, 147 პრიმერა დივიზონზე მოდის, 41 ჩემპიონთა ლიგაზე, 7 ესპანეთის სუპერ თასზე, 2 „კოპა დელ რეიზე,“ 2 მსოფლიოს საკლუბო მუნდიალზე და 1 ევროპის სუპერ თასზე.

„პირველი“ ნომერს „ბლანკოსთან“ ერთად 7 ტიტული აქვს მოგებული. განვლილ სეზონში შთამბეჭდავი ასპარეზობის წყალობით, კურტუა „ფიფას“ 2022 წლის საუკეთესო მეკარის ნომინაციაზეა წარდგენილი.

აღსანიშნავია, რომ ტიბო ჩემპიონთა ლიგის ფინალის საუკეთესო მოთამაშედ დაასახელეს. მან „ლივერპულთან“ მატჩში არა ერთი მნიშვნელოვანი სეივით იხსნა გუნდი.