Primera RFEF-ს მე-19 ტურში „რაულის“ გუნდმა ბოლო წუთზე გაუშვა მოგების შანსი.

„რეალ მადრიდ კასტილია“ სტუმრად ბოლოადგილოსან „სეუტას“ დაუპირისპირდა, რომელმაც ცოტა ხნის წინ „კოპა დელ რეის“ მერვედფინალის საგზური მოიპოვა, სადაც „ბარსელონას“ შეერკინება.

მადრიდელებმა თამაში შესანიშნავად დაიწყეს. უკვე 34-ე წუთისათვის, დოტორის დუბლის წყალობით, ისინი 0-2 ამარცხებდნენ მოწინააღმდეგეს, თუმცა 76-ე და 93-ე წუთებზე გაშვებული გოლებით, ტაბლოზე შედეგიანი ყაიმი დაფიქსირდა.

„კასტილიას“ შემადგენლობა განვლილ მატჩში: დე ლუისი, ტობიასი, რაფა მარინი, კარილიო, ტეო, დოტორი (ხავიერ ვილარი, 57'), არიბასი (გონსალო, 90'), ალვარო მარტინი (პეტერი, 70'), მარველი, იკერ ბრავო (არანდა, 70' ') და ობრადორი.
გოლები: 0-1, 0-2, დოტორი (11' და 34'), 1-2 როდრი (პენ. 76'), 2-2 დანესე (90+3')

„კასტილია“ სატურნირო ცხრილში 39 ქულით მე-3 პოზიციას ინარჩუნებს. პირველადგილოსან „ალკორკონთან“ ჩამორჩენა კი, 3 ქულამდე გაიზარდა.