დღეს, 23:00 საათზე (თბილისის დროით), „რეალი“ ესპანეთის სუპერ თასის გადამწყვეტ შეხვედრაში მიიღებს მონაწილეობას.

კარლო ანჩელოტის შეგირდებისათვის ახალი წლის ტიტულით დაწყება მეტად მნიშვნელოვანია. წარმატება დამატებით მოტივაციასა და თავდაჯერებას მოუტანს გუნდს, რაც საკმაოდ გადატვირთული სეზონის მიმდინარეობისას საკმაოდ ნიშანდობლივი ფაქტორია.

ობიექტურობა მოითხოვს აღინიშნოს, რომ „რეალში“ ფინალებს კი არ თამაშობენ, არამედ იგებენ მას. ბოლო 17 ფინალიდან, „ბლანკოსმა“ მხოლოდ ერთხელ განიცადა მარცხი, ხოლო 16 შემთხვევაში ტრიუმფით დაასრულა ტურნირი. მოგებათა მაჩვენებელი 94 %-ია.

მადრიდელების ერთადერთი წაგება 2018 წელს, ევროპის სუპერ თასის ფარგლებში, მეზობელ „ატლეტიკოს“ წინააღმდეგ ფიქსირდება.

რა თქმა უნდა, სტატისტიკა „თეთრებს“ უმაგრებთ ზურგს, თუმცა ფეხბურთელებს მაქსიმალური ძალისხმევის გაღება მოუწვეთ „რეი ფაჰდიზე,“ რათა გამარჯვება მათ დარჩეთ და არა კატალონიელებს.